Um hljómsveitina
Eilíf sjálfsfróun er pönkhljómsveit með innblástur úr raf- og þjóðlagatónlist en henni hefur verið líkt við Hatara og Ljótu hálfvitanna, hvernig sem má túlka það. Hljómsveitin samanstendur af söngvara, trommara, bassaleikara og synth- / harmónikkuleikara. Kjarni hljómsveitarinnar liggur í hnyttnum og skemmtilegum en oft á tíðum beittum textum í bland við orkumikla og grípandi sviðsframkomu. Hljómsveitin hafnaði í 2. sæti í Músíktilraunum 2021 ásamt því að söngvari hljómsveitarinnar var valinn söngvari Músíktilrauna sama ár. Hljómsveitin hefur birt tvær sjálfútgefnar plötur ásamt nokkrum smáskífum frá því að hún hóf störf 2019.
